Англија Карло Анчелоти не е разочаран и покрај поразот на гостувањето кај Ливерпул, вели дека Челзи треба да победи на следниот натпревар.

Челзи синоќа загуби на гостувањето кај Ливерпул, предноста над второпласираниот се намали од пет на два бода.

Анчелоти има пофалби за играта на Ливерпул и Торес кој го реши натпреварот, Италијанецот останува позитивен и покрај поразот.

"Ливерпул одигра многу добро и на 2-0 тешко беше да се вратиме во натпреварот" - изјави Анчелоти по натпреварот.

"Да се дојде тука и да се загуби, може да се случи. Ливерпул е добар тим, но ние треба да бидеме позитивни, одигравме фантастичен натпревар во второто полувреме".

"Сеуште сме на врвот во лигата. Невозможно е да се победи секој натпревар, понекогаш губите но тимот го покажа истиот менталитет и сила. Не треба да реагираме посебно, треба да го добиеме наредниот натпревар".

"Торес постигна два фантастични гола и покажа дека е фит и се врати во момент не поволен за нас. Тој е фантастичен напаѓач".

Анчелоти изненадувачки го стави Дрогба на клупата, напаѓачот влезе во вториот дел.

"Дрогба имаше треска минатата ноќ, не беше 100% подготвен да игра, и одлучив да го играм само едно полувреме".

Powered by: 24 FUDBAL.com.mk