Останато Според шпанскиот весник Marca Зинедин Зидан и Марко Матераци вчера во Милано се прегрнале и ги надминале сите недоразбирања од претходните четири години

Зидан и Матераци беа инволвирани во инцидент од финалето на Светското Првенство во 2006, кога по една вербална расправија Зидан со глава го удри Матераци во градите и заработи исклучување.
Многу се пишуваше за тоа што точно му кажал Матераци на Зидан, за легендата на францускиот фудбал да ги загуби нервите во толку многу клучен натпревар и да направи непромислен потег.

Зидан на почетокот од оваа година изјави дека му нема опростено на Матераци и додаде дека иако жали за тоа што го направи воопшто нема намера му прости на Матераци.

Но според денешното издание на Мarca, Зидан и Матераци вчера се гушнале и ги закопале воените секирии.

Имено, Зинедин Зидан, кој доби улога на советник на Жозе Мурињо и директор во бордот на Реал, вчера патуваше со тимот на Реал Мадрид во Милано и заедно со делегацијата на клубот го следеше натпреварот против Милан од ложата на Сан Сиро.

Но пред почетокот на натпреварот, во хотелот во кој била сместена експедицијата на Кралскиот клуб пристигнал Марко Матераци за да се поздрави со Жозе Мурињо, со кого соработуваше две години во Интер.

Marca вели дека Матареци при посетата во хотелот покрај тоа што се сретнал со Жозе Мурињо, имал средба и со Зинедин Зидан, со кого се прегрнал и разговарал неколку минути.

Па според весникот ваквата реакција на дуото значи дека минатото е заборавено.

Powered by: 24 FUDBAL.com.mk