Шпекулациите што ќе се случи со Реал Мадрид доколку Флорентино Перес се врати на претседателската позиција го достигнаа врвот.

Откако беше напишано дека на 17 фудбалери ќе им биде покажана вратата за излез, англискиот весник The Sun ја фрли последната бомба.
Според весникот, на "Сантијаго Бернабе" може да се врати, ни помалку ни повеќе, туку Дејвид Бекам.
"Белите" може да се наметнат меѓу договорот помеѓу Милан и ЛА Галакси и да му платат 10 милиони фунти на американскиот клуб.
Перес го купи Бекам од Манчетсер Јунајтед за 24 милиони фунти во 2003 година.
"Флорентино ќе се обиде да го врати Дејвид во клубот доколку стане претседател. Би било глупаво да го одречеме тоа"- изјавува за The Sun извор близок на Реал Мадрид.
Во исто време, поранешниот претседател на "белите", Рамон Калдерон, тврди дека Кристијано Роналдо ќе дојде во клубот ова лето.
Минатата година, клубот од Мадрид предложи 80 милиони фунти за португалецот, но понудата беше отфрлена.
"Благодарение на работата која ја завршив, Роналдо ќе стане дел од Реал на крајот на сезоната"- изјави Калдерон.