Германија Франк Рибери се надева дека Бастијан Швајнштајгер ќе ги следи неговите стапки и ќе стави потпис на нов договор со Баерн Минхен

Германскиот интернационалец, кој е под договор со Баерн до 2012, се поврзува со заминување од Минхен по крајот на сезоната.

Реал Мадрид, Интер, Челзи и Манчестер Јунајтед се споменуваат како екипи кои се силно заинтересирани за услугите на Швајнштајгер, кој неодамна призна дека е привлечен од идејата да игра во Премиер Лигата.

Слично како Швајни, медиумите минатата сезона силно шпекулираа за иднината на Франк Рибери, се додека во мај францускиот интернационалец не стави потпис на нов договор.

Рибери сега посакува 26 годишниот Швајнштајгер да ги следи неговите стапки и да ја покаже верноста кон Баерн.

За Bild am Sonntag weekly, Рибери рече: “Се надевам дека тој ќе го продолжи договорот, можеби до 2015, исто како што јас сторив во мај.”

“Имам добро разбирање со Бастијан. Тој станува фудбалер од светска класа.”

“Играчите како него се екстремно важни за идниот прогрес во Европските клубски натпреварувања.”

Powered by: 24 FUDBAL.com.mk