Англија Марио Балотели вели дека сеуште се прилагодува на фудбалот во Англија и додава дека цели во дресот на Манчестер Сити да стане најдобриот фудбалер во светот
Италијанскиот интернационалец, кој во летниот трансфер период го напушти Интер за да се пресели во Манчестер Сити, на дуелот со Вулверхемптон го имаше својот прв старт во Премиер Лигата.
“Ми беше тешко во саботата бидејќи тоа беше мојот прв цел натпревар по повредите.” – рече Балотели.
“Сега е потребно да настапам на што е можно повеќе натпревари за да ја разберам подобро играта што се преферира тука бидејќи таа е многу поразлична од Италија.”
“Стартовите се поцврсти и судијата не досудува често прекршоци – во Италија, кога некој ќе направи контакт со вас, тоа е фаул, но не е таков случајот во Англија.”
“Тоа беше прв натпревар за мене и не беше лесен бидејќи е потребно подобро да ги запознаам моите соиграчи на теренот, да ги разберам нивните движење и за тоа е потребно време.”
За своите амбиции, Супер Марио рече: “Сакам да бидам најдобриот фудбалер во светот. Добро е да се има амбиција.“
“Реков и во минатото дека не се грижам за тоа што очекуваат и сакаат другите луѓе од мене бидејќи знам што јас сакам.”
“Секогаш ќе го давам максимумот бидејќи сакам да бидам најдобар. Тоа е мојата цел и јас сум одлучен во намерата да ја остварам.”
“Тука сум во Сити за да играм во Лигата на Шампионите, тоа е натпреварувањето каде што сакам да бидам и натпреварувањето во кое сите фудбалери тука сакаат да играат.”
Powered by: 24 FUDBAL.com.mk
