Арсен Венгер вели дека не знае за никаква расправија на Фабрегас со асистент менаџерот на Хал, Бриан Хортон по завршувањето на натпреварот.
Синоќа Топџиите со пресврт во финишот од натпреварот дојдоа до победа против Хал од 2-1 и се пласираа во полуфиналето од ФА Купот.
Многу полемики предизвика победничкиот гол на Арсенал, при кој Галас се наоѓаше во офсајд ситуација.
Менаџерот на Хал, Фил Браун го обвини Фабрегас за плукање и кавга со Хортон по натпреварот.
Фабрегас кој по завршувањето на натпреварот заедно со своите соиграчи ја прослави победата е обвинет од Браун за инцидент.
"Не видов такво нешто. Јас сум тука да зборувам за фудбалот" - изјави Венгер по натпреварот.
"Не сум специјалист за креирање на приказни за весниците, или за креирање минорни работи кои можеби се случиле во тунелот".
"Извините, не можам да зборувам за нешто што не сум видел".
Венгер ги отфрли протестите дека победничкиот гол на Вилијам Галас е од офсајд.
"Тоа не беше офсајд бидејќи топката ја удри прво голманот" - изјави Венгер.