Германија Според Германскиот Bild играчот од средниот ред на Баерн Минхен, Бастијан Швајнштајгер воопшто не брза со преговорите за продолжување на верноста

Швајни е под договор со Баварците до 2012 и се шпекулира дека многу клубови, меѓу кои Реал Мадрид, Манчестер Јунајтед, Челзи и Интер ќе се обидат да го ангажираат играчот по крајот на сезоната.

Доколку германскиот интернационалец не ја продолжи верноста со Баерн, неговата вредност следното лето ќе биде драстично намалена.

Ули Хенес, претседателот на Баерн, вчера им порача на сите клубови дека воопшто нема да биде лесно Швајнштајгер да се одтргне од Алианц Арена и додаде дека тие нема да штедат пари околу новиот договор на фудбалерот.

Но според денешното издание на Bild, Швајнштајгер воопшто не се брза со преговорите за новиот договор.

Весникот говори дека Швајни веќе ја известил управата на клубот дека до крајот на оваа година нема да има преговори за продолжување на соработката и тој ќе се фокусира само на своите перформанси.

Се говори дека целта на играчот е триумф во Лигата на Шампионите, па од таа причина Швајни сака да види каков ќе биде развојот на тимот и како во следните месеци Баерн ќе се засили.

Bild вели дека најверојатно ниту зимската пауза во Бундеслигата нема да биде искористена за преговори помеѓу Швајнштајгер и Баерн Минхен.

Но весникот додава дека во моментот кога германскиот интернационалец ќе биде подготвен за преговори, управата на Баерн ќе му понуди договор исто како оној на Франк Рибери вреден околу 10 милиони евра годишно.

Powered by: 24 FUDBAL.com.mk