Лига на Шампиони Самуел Ето вели дека Жозе Мурињо му рекол ако игра како крило, ќе ја освојат Лигата на Шампионите.

Под водство на Жозе Мурињо, Самуел Ето не играше на својата природна позиција, почесто имаше дефанзивни задачи за разлика од сега кога е гол машина под водство на Рафа Бенитез.

Но, иако Ето не беше класичен напаѓач, неговиот придонес за перфектниот Интер лани е голем.

Камерунецот вели дека Жозе Мурињо му рекол, доколку игра како крило тие ќе ја освојат Лигата на Шампионите.

"Кога ќе бидам постар, би сакал да бидам тренер" - изјави Ето за French TV.

"Мурињо ме увери дека доколку играм како крило, ќе ја освоиме Лигата на Шампионите".

"Минатата сезона пред натпреварот против Челзи, тој побара од мене да играм како лево крило и ми рече дека доколку ме стави таму, ќе ја освоиме Лигата на Шампионите".

"Пред да отпатуваме во Лондон, загубивме од Катанија и тој ме тргна на страна и рече дека сум играл за сопствен имиџ".

"Ден потоа, Мурињо дојде и побара да играм како лево крило против Челзи, бидејќи на тој начин ќе сме ја освоеле Лигата на Шампионите".

"Против Барселона го чував Меси, навистина освоивме се".

Powered by: 24 FUDBAL.com.mk