Италија Јувентус ќе направи обиди во јануари да го ангажира напаѓачот на Атлетико Мадрид, Диего Форлан, пишува Gazzetta dello Sport.

Старата Дама посакува да го засили нападот, па е во потрага по голгетер.

Генералниот менаџер на Јувентус, Бепе Марота има добри релации со Атлетико од преговорите за Тиаго.

Gazzetta dello Sport објавува дека Форлан е цел број еден на Јуве за јануарскиот преоден рок иако знаат дека тешко ќе биде тој да го напушти Винсенте Калдерон.

Поради тоа Јуве има и листа на алтернативни решенија во случај обидот за ангажман на Форлан да пропадне.

Марота ги следи, Макси Лопез од Катанија и Маурисио Пиниља од Палермо.

Тој исто така го следи и Алесандро Матри кој импресионира во дресот на Каљари, квалитетите особено ги покажа на гостувањето токму кај Јувентус.

Сепак, пред да купува Јувентус ќе мора да продаде некој, а како прв кандидат за напуштање на Торино е Момо Сисоко.

Powered by: 24 FUDBAL.com.mk