Италија Франческо Тоти вели дека не заслужил да добие црвен картон против Лече.

Тоти заедно со фудбалерот на Лече, Рубен Оливеира беа исклучени поради меѓусебно кошкање.

"Тој ја стави раката на лицето на противникот. Не можев ништо друго да направам освен да го извадам црвениот картон" - објасни судијата Андреа Џервасони.

И двајцата фудбалери изјавија дека не се допреле еден со друг.

Особено лут е Тоти, кој по овој црвен картон го пропушта големото градско дерби против Лацио.

"Не направив ништо. Никому не му удрив шамар. Не заслужив да бидам исклучен".

Според Corriere dello Sport, Рома ќе се жали доколку Тоти биде суспендиран на повеќе од еден натпревар.

Powered by: 24 FUDBAL.com.mk