Италија Според Corriere dello Sport Интер на Тотенхем ќе му го понуди Сулеј Мунтари како дел од трансферот на Герет Бејл

И покрај тоа што Хари Реднап категорично негираше дека Тотенхем е заинтересиран за продажба на Герет Бејл, медиумите не престануваат да шпекулираат за иднината на интернационалецот од Велс.

Денешното издание на Corriere dello Sport вели дека Интер ќе го искористи утрешното гостувањето на Вајт Харт Лејн во рамките на Лигата на Шампионите за да започне преговори со Спарс за ангажман на Бејл.

Нероаѕурите неколку години го следат развојот на левиот бек и претседателот на клубот Масимо Морати го потврди тоа пред две недели, но запраша колку би можел да чини сега Бејл, откако играчот постигна хет-трик на дуелот помеѓу Интер и Тотенхем што се одигра на Џузепе Меаца.

Според Corriere dello Sport шампионот на Италија ќе се обиде да ги намали барањата на Тотенхем за услугите на Бејл преку вметнување на Сулеј Мунтари како дел од целата зделка.

Менаџерот на Спарс, Хари Реднап има високо мислење за интернационалецот од Гана, кој во петокот постигна погодок на гостувањето кај Џенова за три бода на Интер.

Се шпекулира дека Мунтари не е дел од плановите на Рафаел Бенитез и стратегот сака да се ослободи од играчот од средниот ред.

Со оглед на тоа дека цената на Герет Бејл е преку 30 милиони евра, тешко за верување е дека Интер ќе го ангажира интернационалецот од Велс во јануари па поверојатно е трансфер зделката да се реализира по крајот на сезоната.

Powered by: 24 FUDBAL.com.mk