Англија Според медиумите од Англија, Патрис Евра наскоро ќе ги следи стапките на Вејн Руни и ќе стави потпис на нов четиригодишен договор со неделна плата од 100 000 фунти

Минатата недела, Руни направи драматична пресвртница од по изјавената желба за заминување од Олд Трафорд, реши да ја продолжи верноста со ’Црвените Ѓаволи’ и се сложи на нов петгодишен договор.
Според медиумите од Англија, уште една ѕвезда на Манчестер Јунајтед ќе ги следи стапките на Вејн Руни, откако во блиска иднина и Патрис Евра ќе ја продолжи својата верност.

Според The Sun Јунајтед и Евра веќе начелно имаат постигнато согласност за нов четиригодишен договор вреден околу 20 милиони фунти.

Францускиот интернационалец во моментов е под договор со тимот од Олд Трафорд до 2012 и има неделна плата од 70 000 фунти.

Со новиот договор Патрис Евра, кој се поврзуваше со гигантите од Ла Лига Барселона и Реал Мадрид, ќе заработува 100 000 фунти неделно.

Пред неколку дена самиот Евра потврди дека е верен на Јунајтед и изјави дека има верба во способноста на клубот да освојува трофеи во иднина.

“Јас останав во Манчестер за да освојувам трофеи и сите оние луѓе што мислат дека успешните денови на Јунајтед се завршени, прават голема грешка.” – рече Евра минатата недела.

“Јас немаше да играм за овој клуб доколку не верував дека сме доволно силни за успех во Премиер Лигата.”

Powered by: 24 FUDBAL.com.mk