Англија Челзи рутинирано со 2-0 славеше над Волвс, Сандерленд ја победи Астон Вила, Тотенхем и Евертон одиграа нерешено.
Челзи дојде до очекувани три бода од дуелот против Волвс победувајќи со 2-0.
Волверхептон му пружи отпор на големиот противник, играше, создаваше шанси, но тоа не изгледаше доволно сериозно.
Челзи резултатот го отвори во 23та минута кога по една одлична акција, Малуда по асистенција од Жирков постигна гол за водство од 1-0.
Победата ја завери Саломон Калу во 81та минута од натпреварот.
Во првиот денешен натпревар, Тотенхем и Евертон одиграа без победник 1-1.
Гостите го отворија натпреварот со одличниот гол од слободен удар на Беинс во 17та минута.
Радоста траеше само три минути бидејќи по асистенција на Питер Крауч, Ван дер Варт израмни на 1-1.
Сандерленд со автоголот на Ричард Дан во 25та минута ја победи екипата на Астон Вила.
Бирмингем со 2-0 победи на свој терен против Блекпул.
Риџвел во 36та минута го отвори натпреварот, Никола Жигиќ во 57та ги постави конечните 2-0.
Вест Бромвич ја искористи предноста на домашен терен и со пресврт го победи Фулам со 2-1.
Гостите дојдоа во водство со автоголот на Карсон по само девет минути игра.
Во 17та Мулубу израмни на 1-1, Фортјун во 40та направи комплетен пресврт за победа на ВБА од 2-1.
Виган и Болтон ги поделија бодовите играјќи 1-1.
Домаќините поведоа со голот на Родалега во 59та минута, Болтон израмни со голот на Елмандер во 66та.
Powered by: 24 FUDBAL.com.mk
