Англија Роберто Манчини вели дека Емануел Адебајор би можел да настапи на неделниот натпревар против Арсенал по синоќешниот хет-трик против Лех Познан.
Мануел Адебајор синоќа максимално ја искористи шансата, постигна хет-трик и се наметна за натпреварот во недела против својот поранешен клуб Арсенал.
Роберто Манчини е задоволен од изданието на Адебајор и вели дека Адебајор би можел да стартува против Топџиите.
"Тој постигна хет-трик и има добра шанса да игра против Арсенал" - изјави Манчини по натпреварот.
"Адебајор одигра одлично. Тоа е многу значајно за нас и за него. Напаѓачите треба да постигнуваат голови и тој реализираше три, среќен сум за него".
Сити се лидери во Групата А, Манчини е среќен поради нивните изданија во Лига Европа.
"Ова беше добра победа за нас бидејќи сме први во групата".
"Ги гледав Познан четири или пет пати, тие се добар тим. Но ние одигравме многу добро во првото полувреме. Во второто почнавме така-така".
"Помислив дека би можеле да имаме проблеми, но третиот гол го реши натпреварот".
Powered by: 24 FUDBAL.com.mk
