МЕНИ

Лига Европа Наполи и Ливерпул одиграа без голови, Манчестер Сити го победи Лех, Палермо убедливо загуби од ЦСКА Москва, Атлетико Мадрид немаше проблеми со Розенборг, Јуве одигра нерешено на гостувањето кај Салзбург.

Дерби натпреварот помеѓу Наполи и Ливерпул во Лига Европа заврши без голови.

Црвените излегоа со комбиниран состав, Хоџсон одмори дел од најдобрите, но и покрај тоа успеа да остане непоразен на жешкото гостување кај Наполи.

Манчестер Сити со 3-1 славеше над Лех Познан.

Херој на премиерлигашот беше Емануел Адебајор кој максимално ја искористи шансата и постигна хет-трик.

Палермо неочекувано убедливо на свој терен загуби од ЦСКА Москва со 3-0.

Со истиот резултат Атлетико Мадрид на Винсенте Калдерон славеше над Розенборг.

Јувентус влезе како фаворит на гостувањето кај Салзбург, но не успеа да се врати со трите бода.

Старата Дама по првото полувреме губеше со 1-0, но Красиќ во вториот дел донесе бод за гостите од Италија.

Борусија Дортмунд блескавите резултати од Бундес лигата не ги прикажува и во Лига Европа, вечерва не успеа да го победи ПСЖ, натпреварот заврши 1-1.

Севиља славеше со 1-0 на гостувањето кај Карпати, со ист резултат Виљареал го победи ПАОК.

Резултати:

Група А

Манчестер Сити - Лех Познан 3:1
Салзбург - Јувентус 1:1

Група Б

Арис - Баер Леверкузен 0:0
Атлетико Мадрид - Розенборг 3:0

Група Ц

Лил - Левски 1:0
Спортинг Лисабон - Гент 5:1

Група Д

Динамо Загреб - Клуб Бриж 0:0
Виљареал - ПАОК 1:0

Група Е

АЗ Алкмар - Динамо Киев 1:2
Шериф - БАТЕ Борисов 0:1

Група Ф

Палермо - ЦСКА Москва 0:3
Спарта Прага - Лозана 3:3

Група Г

Андерлехт - АЕК 3:0
Зенит - Хајдук 2:0

Група Х

Штутгарт - Гетафе 1:0
Јанг Бојс - Оденсе 4:2

Група И

Дебрецин - ПСВ 1:2
Металист - Сампдорија 2:1

Група Ј

Борусија Дортмунд - ПСЖ 1:1
Карпати - Севиља 0:1

Група К

Утрехт - Стеауа 1:1
Наполи - Ливерпул 0:0

Група Л

Бешикташ - Порто 1:3
ЦСКА Софија - Рапид Виена 0:2