Македонија Македонија има скок од едно место на најновата ранг листа на ФИФА, Хрватска и Русија влегоа во топ десет на табелата.

Македонската фудбалска репрезентација има скок од едно место на најновата ФИФА ранг листа и сега се наоѓа на 70та позиција.
Подобрениот ранкинг се должи пред се на слабите резултати на оние репрезентации околу нас, бидејќи имаме -24 во однос на табелата од септември. И понатаму остануваме најслабата балканска репрезентација.

Шпанија останува лидер на табелата, зад неа е Холандија, во топ десет уште се и Бразил, Германија, Аргентина, Англија, Уругвај, Португалија, Хрватска и Русија која има скок од 15 места по победите над Република Ирска и Македонија.

Од останатите противници во нашата група, Словачка е 20та, Република Ирска 32ра, Ерменија 60та, Андора 202ра.

Од соседите најдобро пласирана е Грција на 12то место, Србија е 22ра, Бугарија 43та, Албанија 65та.

Црна Гора продолжува молневито да се искачува на табелата, овој месец има скок за 14 позиции и се наоѓа на 26то место на табелата.

Powered by: 24 FUDBAL.com.mk