Италија Поранешниот фудбалер на Јувентус, Диего вели дека Един Џеко следното лето ќе се пресели во Торино

Един Џеко изминатово лето беше трансфер цел на Старата Дама но Волфзбург не сакаше да слушне за продажба на својата голема ѕвезда.

По крајот на трансфер периодот медиумите од Италија продолжија да шпекулираат дека интернационалецот од БиХ ќе се пресели во Јувентус и се говореше дека Бјанконерите имаат таен договор со Волфзбург за комплетирање на зделката.

Иако таквите стории подоцна беа отфрлени од Волфзбург, сега екс фудбалерот на Старата Дама, Диего кој изминатото лето се пресели токму во редовите на Волфзбург, вели дека Един Џеко по крајот на сезоната ќе се пресели во Торино.

За Tuttosport Диего рече: “Џеко е еден од најдобрите напаѓачи во светот. Би бил среќен доколку долго време играм покрај него.”

“Но знам дека Един има опција да се пресели во Јувентус следното лето. И мислам дека по крајот на сезоната тој ќе го стори тоа.”

Во меѓугвреме La Gazzetta dello Sport и Corriere dello Sport објавиja дека во јануари Јувентус ќе го ангажира Макси Лопез од Катанија.

Powered by: 24 FUDBAL.com.mk