Англија Според пишувањата на медиумите од Англија, Вејн Руни би можел да замине од Манчестер Јунајтед само за 5 милиони фунти доколку го искорисит Членот 17 на ФИФА

Според Членот 17 од правилникот за трансфери на ФИФА – така нареченото правило Вебстер, именувано според играчот на Хартс, Енди Вебстер – Руни би можел да си ја откупи последната година од својот договор за нешто помалку од 5 милиони фунти и да плати уште мала компензација со што ќе го остави Манчестер Јунајтед со празни раце.
Според правилото Вебстер, секој фудбалер што има помалку од 28 години може да си го откупи договорот откако ќе истече ’заштитениот период’ – во овој случај од три години.

Руни припаѓа во оваа категорија бидејќи неговиот последен договор со Манчестер Јунајтед го потпиша во ноември 2006, кога имаше 21 година.

Па така следното лето англискиот интернационалец ќе може да си ги откупи последните 12 месеци од договорот со Јунајтед, доставувајќи писмо со намера за тоа 15 дена по крајот на сезоната.

При еден ваков потег, Манчестер Јунајтед ќе остане со празни раце па правилото Вебстер може да изврши додатен притисок врз Црвените Ѓаволи за продажба на Руни во јануари.

Но и покрај натписите на медиумите од Англија дека Руни размислува за еден ваков потег, тешко замисливо е дека Руни ќе се реши на употреба на Членот 17 од првилникот на ФИФА бидејќи ниту еден топ фудбалер го нема сторено тоа до сега а и големите клубови ширум Европа имаат џентлеменски договор да не ангажираат фудбалери кои го употребиле правилото Вебстер.

Powered by: 24 FUDBAL.com.mk