Италија Тренерот на Интер, Рафа Бенитез бара засилувања во јануарскиот преоден рок.

Рафа Бенитез има тешка задача да го задржи победничкиот менталитет на Интер кој минатата сезона под водство на Жозе Мурињо ја освои тројната круна.

Интер во моментов се наоѓа на третата позиција во Серија А со два бода заостанување зад лидерот Лацио.

Рафа Бенитез смета дека потребни се неколку засилувања во зимскиот преоден рок.

"Имаме две или три ситуации кои треба да ги анализираме, и потоа со претседателот и со Марко Бранка ќе одлучиме каде да интервенираме" - изјави Бенитез за Sky Sport Italia.

"Мислам дека потребно е да купиме нови фудбалери во јануари, така ќе можеме да ја задржиме острината до крајот од сезоната".

Синоќа со голот на Самуел Ето, Интер славеше на гостувањето кај Каљари.

"Секогаш е важно да победите, победата е уште поважна поради тоа што некои фудбалери штотуку се вратија по повредите".

"Имавме контрола на натпреварот. Направивме една или две грешки кои му овозможија на противникот да креира шанси".

Powered by: 24 FUDBAL.com.mk