Англија Новиот сопственик на Ливерпул, Њу Ингленд Спортс Венчерс, инсистира дека тие не го купиле клубот евтино

Во петокот, групацијата Њу Ингленд Спортс Венчерс, која е предводена од Џон В. Хенри, ја финализираше зделката за купување на Ливерпул.

Хенри и еден од неговите бизнис партнери, Том Вернер во неделата присуствуваа на Мерсисајд дербито за нивното прво искуство од Англискиот фудбал како сопственици.

Зборувајќи за зделката вредна 300 милиони фунти, Хенри ги отфрли обвинувањата дека тие го купиле Ливерпул за цена помала од вредноста на клубот.

Претходниот сопственик, Хикс говореше дека тој и Жилет се жртви на ’епска измама’ но Хенри вели дека дуото добило фер цена за клуб со финансиски проблеми.

“Знам дека некои луѓе велат дека цената за клубот беше евтина но ние воопшто не гледавме на тоа така.“ – рече Хенри.

“Знаеме колку многу работа не чека, колку треба да учиме. Ова нема да биде лесно. Свесни сме за предизвикот кој не чека доколку сакаме да бидеме на исто ниво со останатите големи тимови.“

“Тука треба да се заврши многу работа и ќе биде потребно многу време. Имаше големи финансиски работи но на крајот ние одлучивме дека навистина сакаме да се натпреваруваме на ова ниво.”

“Потребно е да бидеме паметни, смели и агресивни бидејќи ова е одличен предизивк.”

“Имаше многу причини зошто ние можевме да донесеме одлука да не го купиме клубот.”

“Во неколку наврати мислевме дека ова е преголем предизвик но вреди да се проба со овој клуб – и ние сме возбудени од предизвикот кој ни претстои.”

Powered by: 24 FUDBAL.com.mk