Италија Златан Ибрахимович вели дека е подготвен да се жртвува за тимот доколку тоа значи дека Милан ќе победува

Шведскиот интернационалец уште во времето во Интер често беше критикуван дека е индивидуалиста и се шпекулираше дека токму поради тоа тој не успеал да се прилагоди на Камп Ноу и замина од Барселона по само една година.

На дуелот со Киево во саботата, Ибра прикажа одлични перформанси и подоцна беше фален за тимската игра што ја прикажа.

Во интервју за La Gazzetta dello Sport, напаѓачот вели дека тој сега работи напорно за тимот и е подготвен да се жртвува за тимот доколку со тоа ќе придонесе Милан да стигне до победа.

“Сега се обидувам да работам многу за тимот.”

“На стартот од вашата кариера саката да се изборите за свое име и сте поголеми индивидуалисти.”

“Но потоа разбирате дека групата е многу поважна отколку индивидуалците и далеку можете да стигнете само со тимот.”

“Кога моите соиграчи се среќни, и јас сум среќен. Бидејќи кога се приклучувам на тим, го давам максимумот за моите соиграчи.”

“Доколку тие победат, тогаш и јас победува.”

Напаѓачот потоа беша запрашан да даде свое мислење за тренерот на Милан, Масимилиано Алегри.

“Алегри ми се чини дека е смирено момче, личност со помало влијание од Мурињо или Капело, но тој знае кога треба да стане гневен и да го повиши гласот. Тој има одличен персоналитет.”

“Мурињо? Тој е одличен стимулатор, тој е победник.”

Powered by: 24 FUDBAL.com.mk