МЕНИ

Германија Мајнц не успеа да направи најдобар старт во историјата на Бундес лигата, загуби од Хамбургер, Баерн Минхен беше убедлив против Хановер, Шалке и Штутгарт одиграа нерешено.

Мајнц и Николче Новески не успеаа да победат и на осмиот натпревар по ред и да го направат она што на никој не му успеало, загубија од Хамбургер со гол во финишот.
Мајнц и Хамбургер одиграа интересен натпревар со повеќе шанси и на двете страни но мрежите мируваат се до самиот крај.

Во 89та минута по асистенција на Зе Роберто, Гереро постигнува гол за победа на Хамбургер.

Баерн Минхен иако со значително ослабен состав поради повреди, успеа убедливо со 3-0 да слави над Хановер.

Играч на натпреварот беше Марио Гомез постигнувајќи ги сите три погодоци.

Гомез стрелаше прецизно во 21та, 77та и 90та минута од натпреварот.

Дерби натпреварот помеѓу Шалке и Штутгарт заврши без победник 2-2, гостите на двапати водеа но не дојдоа до трите бода.

Гебхарт во 15та минута му донесе водство на Штутгарт, Еду во 29та израмнува на 1-1.

Харник во 74та минута го враќа водство на Штутгарт, но Хунтелар од пенал во 80та носи бод за Шалке.

Сент Паули ја искористи предноста на домашен терен и го победи Нирнберг со 3-2.

Асамоа во 45та минута му донсе водство на Сент Паули, во 48та Екици израмни на 1-1.

Ново водство за домаќините донесе Еберс во 59та минута, Волф три минути подоцна израмнува на 2-2.

Но на девет минути пред крајот Брунс постигнува гол за победа на Сент Паули од 3-2.

Вердер Бремен со 2-1 го совлада тимот на Фрајбург.

Хунт во 33та минута носи водство за Вердер, Шустер во 62та израмнува на 1-1.

Алмеида во 73та реализира за победа на Вердер од 2-1.