Англија Во пресрет на утрешниот натпревар против Вест Бромвич, Сер Алекс Фергусон ја "спушта топката" по прашањето за Вејн Руни.

Во вторникот вечерта Руни му се спротистави на Фергусон со изјава дека тој немал повреда на зглобот во изминатиот период, цело време бил фит.

Ваквото тврдење беше спротивно на она што Ферги го изнесе во јавноста, тој рече дека Руни заработил повреда на скочниот зглоб на дуелот со Болтон па затоа ги пропуштил натпреварите против Валенсија и Сандерленд.

Многумина сметаат дека по ваквите изјави, Руни може да го стигне "цврстата рака" на Фергусон, нешто што го почуствувале неколку фудбалери на Јунајтед меѓу кои и Бекам, Кин, Нистелрој, Стам...

Сепак, Ферги ја спушта топката велејќи дека не е заинтересиран да објаснува по ова прашање во медиумите.

"Тоа што е кажано нема ефект врз мене" - изјави Фергусон за Key103.

"Не знам од каде доаѓаат сите овие работи. Момчето секогаш е во центарот на вниманието и секогаш е прозиван од медиумите. Важно е како ќе се справите со тоа".

"Но сите тие пишувања не ми значат ништо".

Powered by: 24 FUDBAL.com.mk