Англија Според пишувањата на медиумите од Англија, Том Хикс и Џорџ Жилет ја тргнаа привремената забрана за продажба на Ливерпул на Њу Ингленд Спортс Венџерс но и понатаму се противат на зделката

Ко-сопствениците на Ливерпул преку Окружниот Суд од Тексас успеаа да добијат привремена забрана за продажба на клубот на Њу Ингленд Спортс Венчерс.

Денеска требаше да се одржи рочиште на кое директорите на Ливерпул ќе побараа забраната да биде тргната но според медиумите од Англија, Том Хикс и Џорџ Жилет самите веќе ја тргнале привремената забрана што ја изрече судот од Тексас.

Иако сеуште нема официјални информации, извештаите кои пристигнуваат говорат дека Том Хикс и Џорџ Жилет на задна врата се обидуваат да ги извисат Њу Ингленд Спортс Венчерс од целата зделка и покрај тоа што групацијата од Бостон има договор за превземање на Ливерпул.

Патот на ЊИСВ за комплетирање на превземањето на Ливерпул е отворен но во игра може да влезе и хеџ-фондот Мил Фајненшел.

Се говори дека Хикс се обидува својот дел од Ливерпул да го продаде на Мил Фајненшел, фонд кој од август го поседува и делот на Џорџ Жилет, па Мил Фајненшел ќе го отплати долгот кон Ројал Банк од Скотланд и на тој начин ќе го исфрли Њу Ингленд Спорд Венџерс од игра.

Но, за Хикс да го продаде делот на Мил Фајненшел зелено светло треба да даде бордот – и сигурно дека бордот со мнозинство од три спрема два ќе го одбие тоа – но, Мил Фајненшел може да се понуди во име на Хикс да го плати долгот кон РБС и на тој начин да стигне до сопственоста на Ливерпул.

Извештаите исто така говорат дека легалниот тим на РБС е против зделка со Мил Фајненшел и ја советува банката за зделка со Њу Ингленд Спортс Венчерс.

Се очекува сагата за превземање на Ливерпул конечно да се разреши во следните неколку часа бидејќи долгот кон Ројал Банк од Скотланд треба да се подмири попладнево или Ливерпул ќе замине во стечај.

Powered by: 24 FUDBAL.com.mk