Шпанија Напаѓачот на Атлетик Билбао, Фернандо Љоренте вели дека ниту еден клуб нема да се обиде да ја плати неговата откупна клаузула вредна 36 милиони евра
Во последните неколку дена силно се шпекулира за иднината на напаѓачот откако медиумите од Шпанија објавија дека Мануел Љоренте е трансфер цел на Реал Мадрид и Барселона.
Шпанскиот интернационалец е под договор со Атлетик Билбао до 2013 и има откупна клаузула вредна 36 милиони евра.
25 годишниот Љоренте е свесен дека ниту еден клуб нема да плати толкава сума за неговите услуги па доколку Атлетик не реши да ја намали бараната цена, тој ќе остане во Билбао.
“Имам уште три години од договорот со Атлетик и доколку клубот не изрази желба да ме продаде, знам дека ќе останам тука.” – рече Љоренте.
“Имам откупна клаузула од 36 милиони евра но претпоставувам дека никој нема да сака да ја плати.”
“Јас сум среќен тука и мислам само на Атлетик.”
Но шпекулациите за неговаа иднина не се единствената причина поради која Љоренте е во фокусот на медиумите.
Напаѓачот се најде во центарот на случувањата откако постигна два погодоци на дуелот против Литванија и уште еден против Шкотска, помагајќи и на Шпанија да стигне до шест бода.
“Се обидувам да бидам смирен. Знам како одат овие работи. Сега сум горе но подоцна можам да бидам доле. Фудбалот се менува секоја недела.”
“Има денови кога се се одвива перфектно, но знам дека нема секогаш да биде вака. Во фудбалот секогаш има искачувања и падови.”
Powered by: 24 FUDBAL.com.mk
