МЕНИ

Англија Претседателот на Ливерпул, Мартин Бругтон останува убеден дека Њу Ингленд Спортс Венчерс ќе го превзеде клубот и покрај тоа што Хикс и Жилет се изборија за привремена забрана за продажба

И покрај тоа што Врховниот Суд вчера донесе одлука дека Мартин Бругтон имал право да го одбие барањето на Том Хикс и Џорџ Жилет за промена на бордот на директори и со тоа судот ја оквалификува одлуката за продажба на Ливерпул како легитимна, Њу Ингленд Спортс Венчерс сеуште не може да го превземе тимот од Енфилд.

Причина е тоа што Хикс и Жилет преку Окружниот Суд во Тексас се изборија за привремена забрана на продажбата.

Ко-сопствениците на Ливерпул, продажбата на клубот на Њу Ингленд Спортс Венчерс ја нарекоа ’епска измама’ и побараа оштета од околу 1,6 милијарди долари.

Но и покрај сето ова, Мартин Бругтон е убеден дека Њу Ингленд Спортс Венчерс сепак ќе успее да го превзеде Ливерпул.

Претседателот на Ливерпул за Sky Sports News рече: “Тие ги користат сите трикови од книгите, но ние имаме верба.”

“Ние ќе продолжиме да се обидуваме. Немам слушнато ништо ова утро, немав време за такво нешто.”

Запрашан дали останува убеден во зделката со Њу Ингленд Спортс Венчерс , Бругтон додаде: “Јас секогаш останувам прилично убеден.”

Во меѓувреме медиумите од Англија најавуваат дека во продажбата на Ливерпул може да се случи нова пресвртница.

Се најавува дека Мил Фајненшел, хеџ-фонд од САД ефективно го превзел Ливерпул.

Се говори дека Мил Фајненшел ја контролираат сопственоста на Џорџ Жилет од 50% во клубот и се сугерира дека тие ја купиле и сопственоста од 50% на Том Хикс во Ливерпул со што тие ефективно ќе ја имаат контролата на Ливерпул доколку го отплатат долгот на клубот кон Ројал Банк од Скотланд.

Медиумите од Островото говорат дека една ваква разврска е реална бидејќи Мил Фајненшал работи во име на трето лице а се споменува името на Кени Хуанг, кој исто така сакаше да го превзеде Ливерпул.

Доколку се случи една ваква операција Њу Инглед Спортс Венчерс ќе извиси од зделката да го купи Ливерпул иако групацијата од Бостон веќе има договор со бордот на ’Црвените’ а и Премиер Лигата даде зелено светло за зделката.