Италија Напаѓачот на Палермо, Абел Ернандез вели дека во моментов не размислува на преселба во Арсенал и сака да остане во Палермо

Се шпекулира дека 20 годишниот интернационалец од Уругвај е трансфер цел на Арсенал и Тотенхем како и на уште неколку клубови од Европа.

Но во интервју за медиумите од Италија, Абел Ернандез вели дека во моментов нема намера да замине од Палермо.

За Mediaset Premium тој рече: “Арсенал ме посакува? Се чувствувам добро во Палермо, во градот и со моите соиграчи.”

“Би сакал да останам тука уште две или три години бидејќи тоа ќе ми овозможи да пораснам како фудбалер.”

“Тогаш, доколку во иднина има понуда од некој голем клуб, ќе ја разгледам.”

“Моето прво искуство што го имав во Италија беше за времето на пробата во Џенова, но тие не ме ангажираа поради тоа што имав проблеми со срцето.”

“Сепак Палермо веруваше во мене и ми помогна за операцијата.”

“Поради овие причини, јас секогаш ќе му бидам благодарен на Палермо.”

Powered by: 24 FUDBAL.com.mk