ЕВРО 2012 Црна Гора одигра 0-0 на гостувањето кај Англија, Шпанија славеше кај Шкотска, Азербејџан ја изненади Турција, Холандија убедлива против Шведска.
Црна Гора продолжува да со одличните резултати, Црногорците одиграа без голови на гостувањето кај Англија на Вембли.
По трите победи во воведните три кола, Црна Гора со одличен резултат се враќа и од тешкото гостување кај Англија.
Гордиот Албион очекуваше сигурен триумф против Црна Гора, но избраниците на Капело разочарани го напуштија нивниот фудбалски храм.
Шок доживеа и селекцијата на Турција која неочекувано загуби на гостувањето кај Азербејџан со 1-0.
Победничкиот гол беше дело на Садигов во 38та минута од натпреварот.
Во интересен натпревар, Шпанија со 3-2 славеше на гостувањето кај Шкотска.
Резултатот го отвори Давид Виља од пенал во 44та минута од натпреварот, Иниеста во 55та зголеми на 2-0 за Шпанија.
Шкотска се врати во игра и со погодокот на Најсмит во 58та и автоголот на Пике во 66та го израмни резултатот.
Сепак победа за Шпанија донесе Љоренте во 79та минута од натпреварот.
Холандија убедливо со 4-1 славеше над селекцијата на Шведска.
Хунтелар продолжува со одличните игра за репрезентацијата, овој пат беше стрелец на два гола, во 4та и 55та минута.
Останатите два беа дело на Афелај, тој биеше прецизно во 36та и 59та минута.
Почесниот гол за Швеѓаните беше дело на Гранквист во 69та минута од натпреварот.
Дуелот помеѓу Италија и Србија кој требаше да биде вистинско дерби беше прекинат поради дивеење на србските хулигани.
Германија убедливо со 3-0 победи на гостувањето кај Казакстан, Франција со 2-0 славеше над Луксембург, Португалија дојде до нова победа совладувајќи го Исланд на негов терен со 3-1.
Во останатите натпревари: Белгија - Австрија 4:4, Фарски Острови - Северна Ирска 1:1, Естонија - Словенија 0:1, Белорусија - Албанија 2:0, Финска - Унгарија 1:2, Сан Марино - Молдавија 0:2, Швајцарија - Велс 4:1, Данска - Кипар 2:0, Лихтенштајн - Чешка 0:2, Летонија - Грузија 1:1, Грција - Израел 2:1.
Powered by: 24 FUDBAL.com.mk
