ЕВРО 2012 Мирко Вучиниќ посакува да одигра најдобро вечерва на Вембли и да ги импресионира заинтересираните Премиерлигашки клубови.

Вечерва Црна Гора гостува кај селекцијата на Англија, Црногорците имаат перфектен старт и се лидери на табелата, но пред нив е најтешкиот испит.
Главен играч на Црна Гора е напаѓачот на Рома, Мирко Вучиниќ за кого постои голем интерес од клубовите во Премиер лигата.

Црногорецот има шанса токму на нивно тло, на Вембли да ги покаже своите квалитети.

"Многу сум среќен, има голем интерес за мене од Премиер лигата" - изјави Вучиниќ за Daily Mail.

"Се надевам дека ќе одиграм најдобро против Англија и ќе имаме добар натпревар".

"Премиер лигата е една од најдобрите во светот, треба само да продолжам да играм онака како што знам".

Но настапот на Вучиниќ е неизвесен, тој се жали на повреда на тетивата и нејасно е дали ќе биде во стартниот тим на Златко Крањчар.

"Ќе го дадеме најдоброто од нас против Англија, која од секогаш е една од најдобрите селекции во светот. Да се игра против нив и да се дојде до добар резултат нема да биде лесно, но ќе го дадеме најдоброто па ќе видиме што ќе се случи".

"Имаме голема самодоверба стекната од претходните одлични изданија, сигурен сум дека ќе ја направиме нацијата горда" - заврши Вучиниќ.

Powered by: 24 FUDBAL.com.mk