ЕВРО 2012 Стевица Ристиќ вели дека на македонската фудбалска репрезентација и се потребни фудбалери како Горан Пандев.

Вечерва Македонија ќе има тежок испит, на гости ни доаѓа силната репрезентација на Русија во рамките од четвртото квалификационо коло за ЕП 2012.
Стевица Ристиќ е во фокусот кај руските медиуми бидејќи настапува во нивното првенство, го носи дресот на Амкар.

Македонија нема да може да смета на својот најдобар фудбалер, Горан Пандев кој е повреден, надвор од стројот е и Горан Попов.

Ристиќ е свесен дека отсуството на Горан Пандев не е пријатна вест во пресрет на толку важен натпревар.

"Отсуството на најдобрите фудбалери не го прави нашиот тим посилен. Покрај Горан Пандев, нема да можеме да сметаме ниту на Горан Попов од Динамо Киев кој исто така е повреден" - изјави Ристиќ за рускиот Sport-Express.

"Не го гледам Пандев како конкурент за мојата позиција, го гледам како партнер. Против Ерменија игравме заедно во нападот и функциониравме добро".

Powered by: 24 FUDBAL.com.mk