Шпанија Играчот од средниот ред на Барселона, Чави вели дека добро се опоравува од повредата на Ахиловата тетива и се надева дека ќе може да настапи на дуелот со Валенсија

Шпанскиот интернационалец по дуелот со Рубин Казан реши да направи мала пауза откако откри дека подолго време оваа сезона играл со болки.

Чави беше изоставен од составот на Шпанија за квалификациските натпревари за ЕВРО 2012 и играчот веќе го пропушти дуелот помеѓу Барселона и Мајорка.

Во интервју со официјалната веб страна на Барселна, Чави откри дека сега се чувствува подобро и се надева дека ќе може да се врати на терените за дуелот со Валенсија кој на 16ти октомври се игра на Камп Ноу.

“Во моментов се чувстувам подобро.” – рече Чави. “Но доста време страдав и играв со прилично голема болка.”

“Докторите знаеа, јас знаев, но имаше големи натпревари и сакав да бидам дел од тимот. Јас секогаш сакам да играм но на крајот болката беше неподнослива.”

“По дуелот со Рубин Казан разговарав со Дел Боске и Пеп. Мислам дека ова беше добар момет за одмор. Би можел да одморам до 20 дена и ќе видиме дали ќе може да исчезне болката што ја чувствува.”

Запрашан дали ризикувал со посериозна повреда да го пропушти поголемиот дел од сезоната, Чави рече: “Да, секогаш стравувате дека можете да ја скинете Ахиловата тетива и да ја пропуштите цела сезона.“
 
“Но јас сакав да го превземам ризикот. Јас бев желен да му помогнам на тимот. Ништо страшно не ми се случи но беше време да одморам.”

“Кога би можел да се вратам? Јас сум оптимист, сакам да размислувам позитивно и се надевам дека ќе играм против Валенсија.”

“Докторите и физиотерапефтите се тие што треба да кажат дали ќе играм против Валенсија, па ќе видиме како ќе се опоравувам од повредата.”

Powered by: 24 FUDBAL.com.mk