Англија Според пишувањата на медиумите од Англија и Шпанија, Манчестер Сити потпишал четиригодишен договор со 19 годишниот Гаи Асулин

Израелецот е продукт на младинската школа на Барселона и важеше за еден од поголемите таленти.

Во еден период тој дури го носеше и епитетот ’Израелскиот Меси’ но повредите го спречија развојот на Гаи Асулин.

Играчот си замина од Камп Ноу откако не можеше да постигне согласност со Барселона за новиот договор и го привлече вниманието на многу клубови.

Според пишувањата на Sport и Daily Mail, Манчестер Сити е тимот што ја добил трката за потписот на израелскиот интернационалец.

Се шпекулира дека ’Граѓаните’ и Гаи Асулин постигнале согласност за четиригодишен договор, кој ќе биде потпишан многу наскоро.

Играчот минатата недела имал лекарски прегледи во Истлендс, и веднаш бил испратен на рехабилитација со цел што поскоро да се опорави од повредата на коленото.

Powered by: 24 FUDBAL.com.mk