Англија Рио Фердинанд би можел да го загуби местото во стартниот тим на Англија, се очекува да почне од клупата против Црна Гора во вторник.

Англиските медиуми пишуваат дека веќе поранешниот капитен на Гордиот Албион, Рио Фердинанд го губи првотимскиот статус кај Капело.

Ферднинанд како капитен на Англија тргна на подготовките пред Светското првенство во Јужна Африка, но се повреди уште на првиот тренинг, по што имаше голема пауза.

Дефанзивецот има одиграно само еден натпревар за Јунајтед во Премиер лигата оваа сезона, и сеуште не е во својата најдобра форма.

Поради повредата на Фердинанд, Капело одлучи капитенската лента да му ја даде на Стивен Џерард кој импресионираше во дуелите против Бугарија и Швајцарија.

Џерард ќе биде главен играч во средниот ред и против Црна Гора, бидејќи Лампард сеуште се опоравува од повредата.

Дилемата на Капело е дали да го врати Фердинанд во стартниот тим или да го остави Фил Јагиелка од Евертон, кој се покажа во одлично светло во првите два квалификациони натпревари.

Џон Тери се враќа во првиот тим на Англија, а поголема е веројатноста друштво во одбраната да му прави Јагиелка.

Powered by: 24 FUDBAL.com.mk