Англија La Gazzetto dello Sport објави дека Интер и Милан добиваат силна конкуренција за трансферот на Кака во името на шампионот на Англија, Челзи

Масимо Морати, претседателот на Интер, вчера негираше дека тие имаат зделка за ангажман на Кака но медиумите и понатаму шпекулираат дека Нероаѕурите се обидуваат да стигнат до услугите на Бразилецот.

Вчера, во доцните вечени часови, капитенот на Интер, Хавиер Занети истакна дека Кака ќе биде добредојден во соблекувалната на Нероаѕурите и само ги подгреа шпекулациите на медиумите.

Покрај Интер и екипата на Милан се поврзува со ангажман на Кака и се најавува дека Росоњерите сакаат формулата за ангажман на Ибра од Барселона да ја искористат и за враќање на Кака на Сан Сиро.

И додека двата клуба од Милано се подготвуваат за битка надвор од терените, La Gazzetta dello Sport објави дека Интер и Милан добиваат силна конкуренција за трансферот на Кака во името на Челзи.

За разлика од Интер и Милан, кој сакаат да го ангажираат Кака во јануари, тимот од Стемфорд Бриџ ја разгледува опцијата за ангажман на плејмејкерот дури по крајот на сезоната.

Карло Анчелоти, кој успешно соработуваше со Кака во Милан, сака најпрво да се увери во физичката подготвеност на Кака и да се осигура дека Бразилецот е опоравен од сите повреди кои го мачеа во изминативе 12 месеци.

Но за отргнување на Кака од Сантијаго Бернабеу, Сините ќе треба да достават солидна понуда со оглед на тоа дека Флорентино Перез сака да поврати што поглем дел од 65 милиони платени на Милан за трансферот на плејмејкерот.

Powered by: 24 FUDBAL.com.mk