Шпанија Легендата на Реал Мадрид, Зинедин Зидан верува дека Жозе Мурињо е она кое му било потребно на Кралскиот клуб.

Во изјава за Marca, Зинедин Зидан вели дека Мурињо е идеалното решение за тренерската позиција во Реал Мадрид, тој има голема верба во квалитетите на Португалецот.
"Имам доверба во Мурињо, а истото е и со фудбалерите кои се млади и многу талентирани" - вели Зидан.

"Едноставно, Мурињо е она што му требаше на Реал Мадрид. На тимот му беше потребна промена. Требаше тренер кој е голема личност, и мислам дека неговиот профил комплетно одговараше".

"Веројатно ова е добро време да се погледнат резултатите на тимот. Победивме во два натпревари од Лигата на Шампионите и сме први во групата, во Примера имаме четири победи и две нерешени, и сме во врвот".

"Секогаш има простор за напредок, но тренерот е нов, имаме и многу нови фудбалери па потребно е да им дадеме време".

"Достигнав време од животот кога сакам да им помагам на луѓето како што тие мене ми помагале. Фудбалот ми даде се, затоа сакам да го користам моето искуство и да им помогнам на младите генерации".

"Има многу луѓе на кои тоа им е потребно, па јас давам се што можам за да им помогнам. За жал не можеме да водиме грижа за сите, но давам се, бидејќи знам дека помагам на оние кои заслужиле" - заврши Зидан.

Powered by: 24 FUDBAL.com.mk