ЕВРО 2012 Кристијано Роналдо вели дека се чувствуав се подобро и подобро и додава дека погодоците на дуелот со Депортиво му ја зголемиле довербата

Ѕвездата на Реал Мадрид зборуваше од прес-конференција во Обидос каде што селекцијата на Португалија се подготвува за квалификациските натпревари против Данска и Исланд.

Кристијано Роналдо во неделата постигна два погодоци на дуелот со Депортиво и вели дека головите влијаат неговата самодоверба да порасне.

“Се чувствувам се подобро и подобро.” – рече CR7. “Погодоците секогаш ви даваат самодоверба. Постигнувате гол, играте добро и самодовербата расте.”

Португалија имаше лош старт на квалификациите за ЕВРО 2012 откако забележа реми на дуелот со Кипар и загуби на гостувањето кај Норвешка.

“Не се наоѓаме онаму каде што требаме.” – продолжи Роналдо, кој ги пропушти двата натпревари поради повреда. “Сега немам простор за грешка – потребно е да победиме.”

“Не можеме да мислиме повеќе на она што ни се случи во минатото, треба да се фокусираме на следните натпревари. СДоколку победиме на следните натпревари ќе можема да дишеме подобро.”

“Се наоѓаме во тешка ситуација но тимот е добар. Со нетрпение чекаме да дојде петок да одиграме и да победиме.”

За перформансите на Реал Мадрид, Роналдо рече: “Реал станува се подобар, растеме како тим и се подобруваме на неколку фронта.”

“Потребно е да продолжиме во ист стил во обидот да ја освоиме Ла Лига. Не треба да се грижиме само за Барселона бидејќи има и други тимови како што е Валенсија, која во моментов е прва.”

Powered by: 24 FUDBAL.com.mk