Англија Арсен Венгер потврди дека капитенот на Арсенал, Цеск Фабрегас нема да настапи на дербито со Челзи

Претходно менаџерот на Топџиите изјави дека шпанскиот интернационалец има 50-50 шанси за опоравување на време за дуелот со Челзи откако Цеск Фабрегас заработи повреда на тетивата зад коленото на дуелот со Сандерленд пред две недели.

Сепак на денешната прес-конференција, Арсен Венгер потврди дека капитенот на Арсенал нема да настапи на Стемфорд Бриџ.

Венгер рече: “Фабрегас не е фит за настап на овој натпревар исто како што ниту Мануел Алмунија не е фит.”

Венгер исто така откри дека Керон Гибс заработил повреда на листот на ногата на дуелот со Партизан па левиот бек ќе паузира околу три недели.

“Во вторникот повреда заработи и Гибс, кој го повреди листот на ногата па нема да настапи ниту за селекцијата на Англија. Тој ќе паузира од две до три недели.”

Венгер проговори и за ситуацијата на Томас Вермален, кој пропушти шест натпревари поради повреда на Ахиловата тетива.

“Тој не е блиску до враќање на терените. Тој сеуште има проблем со Ахиловата тетива.”

“Мислам дека не му е потребна операција но потребно е да паузира уште неколку недели. Опоравувањето се одвива споро.”

Powered by: 24 FUDBAL.com.mk