Италија Масимилиано Алегри вели дека Александре Пато е на располагање за дуелот со Парма и открива дека Златан Ибрахимович се мачи со ситна повреда

Бразилскиот интернационалец ги пропушти последните неколку натпревари на својот тим поради повреда на мускулот но Пато вчера тренираше со преостанатиот дел од тимот.

Алегри на денешната прес-конференција потврди дека тој повторно може да смета на услугите на напаѓачот.

Тренерот на Милан исто така истакна дека Златан Ибрахимович најверојатно ќе игра со Парма и покрај тоа што Швеѓанецот се жалеше на повреда по дуелот со Ајакс.

“Кој ќе настапат против Парма? Сеуште имам сомнеж за средниот ред и десната бековска позиција.” – рече Алегри.

“Инзаги? Тој има добри шанси за настап, Пато повторно е на располагање, Ибра има некои проблеми,па ќе видиме. Не сакам да употребам играчи за потоа веднаш да бидам приморан да правам замена.”

“Парма е добар тим, одлично организиран и со одлични офанзивни идеи и креативност. За нас ова е важен натпревар пред паузата за интернационалните натпревари.”

“Роналдињо? Во фудбалот ничие место не загарантирано, тој е во право што не е задоволен од тоа што не играше против Ајакс, ќе бев изненаден доколку имавме спротивна ситуација.”

“Дали се расчистивме со Сидорф? Со Кларенс немам никакви проблеми, имаме целосно разбирање, работиме два месеци и се обидуваме да завршиме важни работи, нема недоразбирања, тој е многу интелегентно момче.”

Powered by: 24 FUDBAL.com.mk