Вечерва Јувентус ќе ја брка негативата од 1-0 од првиот натпревар на Стемфорд Бриџ.
Англиските тимови се фаворити во дуелите со италијанските по успешните први дуели.
Клаудио Раниери смета дека Челзи е на врвот поради парите кои му овозможиле да направи толку силен тим.
"Не би рекол дека имаме комплекс на инфериорност. Доколку има некаква инфериорност во однос на нив, тогаш тоа би било што имаме помалку пари, но тоа не е комплекс туку околност" - изјави Раниери.
Раниери имаше прв можност да ги троши парите на Роман Абрамович, токму тој беше на клупата кога пристигна Русинот.
Но, работата на Раниери не беше оценета како доволно успешна по што тој беше отпуштен.
Челзи не покажа многу под водство на Луис Фелипе Сколари, но со доаѓањето на Хидинк работите се сменија.
"Челзи сега се на пат повторно да станат војна машина која беше креирана со многу пари".
"Челзи нема само квалитетен состав, туку има и играчи со големи индивидуални квалитети" - заврши Раниери.