Шпанија Екипата на Барселона соопшти дека Чави Ернандез нема да настапи на дуелот со Мајорка во недела и играчот започна со програма за опоравување и брзо враќање на терените

Селекторот на Шпанија, Висенте Дел Боске вчера реши да не го повика Чави за претстојните квалификациски натпревари сп Литванија и Шкотска бидејќи играчот се мачеше со повреда на тетивата неколку недели.

Од таборот на Барселона најавија дека во петок ќе донесат конечна одлука за тоа дали Чави ќе настапи на дуелот со Мајорка кој во недела се игра на Камп Ноу.

Откако актуелниот шампион на Шпанија доби  еден ден пауза по дуелот со Рубин Казан, денеска Барса ги започна подготовките за следниот натпревар од Ла Лига.

Но Чави утрово не се појави на тренингот на Каталонците, па Пеп Гвардиола нема да смета на услугите на плајмејкерот за дуелот со Мајорка.

Шпанскиот интернационалец сега започна со индивидулан работа и рехабилитациона програма со цел што поскоро да му се стави на располагање на тренерот.

Powered by: 24 FUDBAL.com.mk