Шпанскиот гигант вечерва на Енфилд ќе го игра реваншот од 1/8 – финалето во Лигата на Шампионите и потребно е да ја надминат разилката, откако Јоси Бенајун го замолкна Бернабе на првиот натпревар.
Мадрид ја врати својата сезона на прав пат по доаѓањето на Хуанде Рамос по тешкиот прв дел од шампинатот, но не успеаа да се изборат за позитивен резултат на дуелот со Ливерпул.
Џерард кој одигра само неколку минути на дуелот на Бернабе е целосно опоравен и подготвен да го предводи својот тим вечерва.
Се претпоставува дека Ливерпул ќе одигра смирено и ќе се обиде да го сочува водството од првиот натпревар, но Џерард вели дека тие ќе се обидат да го решат двомечот многу порано од последниот свиреж.
“Мислам дека следниот погодок во овој двомеч е од голема важност.” – рече Џерард.
“Доколку Мадрид го постигне, натпреварот ќе биде многу отворен и тоа е нешто кое ние не го посакуваме.”
“Потребно е да се осигураме дека ние први ќе постигнеме погодок и дека пред време ќе го решиме патникот во следната фаза.”
Скорот на Ливерпул во Европа покажува дека избраниците на Бенитез нема од што да се плашат бидејќи тие имаат елиминирано екипи како што се Барселона, Интер, Јувентус, Челзи и Арсенал, а Џерард се надева дека на оваа листа ќе се придодаде и Реал.
“Ги елиминираме сите најдобри екипи во последните неколку години и потребно е да се осигураме дека тоа ќе му се случи и на Реал Мадрид.”
“Сигурен сум дека тие повеќе се грижат за натпреварот од нас бидејќи тие знаат колку добри сме во Европа.”
“Кога се во прашање натпреварите од Европа мора да имаме голема самодоверба. Дефанзивно и тактички сме добро подготвени и имаме играчи кои можат да го решат натпреварот, па нема причина зошто да не веруваме во победа.”
“Треба да бидеме подготвени да го покажеме истото ниво од првиот натпревар, дури и треба да бидеме подобри на Енфилд.”