Италија Напаѓачот на Интер, Самуел Ето смета дека за напаѓачите Рафа Бенитез е подобар од Жозе Мурињо.

Самуел Ето одлично ја започна новата сезона, Камерунецот синоќа постигна хет-трик во победата над Вердер од 4-0.

Под водство на Рафа Бенитез, Ето има поофанзивни задачи, игра како централен напаѓач и многу почесто влегува во шанси за гол за разлика од периодот под водство на Мурињо кога често играше и по крилната позиција со многу дефанзивни обврски.

Ето има пофалби за Бенитез, вели дека тој му овозможил многу поофанзивна игра од Жозе Мурињо и смета дека за напаѓачите Шпанецот е подобар избор.

"Со Мурињо игравме на контра напади, со Бенитез притискаме повеќе и тоа е подобро за нас напаѓачите бидејќи креираме повеќе шанси за гол" - изјави Бенитез за Sky Sport.

"Се чувствувам добро како централен напаѓач. За напаѓач е важно да игра поблиску до голот а не подалеку од него. Покомплицирано за мене беше кога играв како крило".

Powered by: 24 FUDBAL.com.mk