Лига на Шампиони Според пишувањата на медиумите од Италија, Диего Милито сепак не се опорави на време за дуелот со Вердер и ќе го прескокне вечерашниот натпревар на Џузепе Меаца

Аргентинскиот интернационалец заработи мала исекотина на бутниот мускул на дуелот со Рома но во изминатите два дена направи значен напредок во опоравувањето и вчера тренираше со преостанатиот дел од тимот.

Милото заедно со Пандев, кој исто така се жалеше на повреда по натпреварот со Рома, беше вклучен во тимот на Рафа Бенитез за денешниот дуел со Вердер.

Но стратегот на Интер вчера на прес-конференцијата истакна дека ќе одлучи за дефинитивниот состав по денешниот тренинг.

Како што пренесуваат медиумите од Италија, Милито бил забележан како заминува од тренингот на Интер ова утро, што значи дека тој нема да може да настапи против Вердер.

Доколку лекарскиот тим на Нероаѕурите не успее да го опорави и Горан Пандев, Самуел Ето ќе биде осамен во форот на шампионот на Италија и Европа.

Powered by: 24 FUDBAL.com.mk