Италија Според пишувањата на Corriere dello Sport екипата на Интер размислува за ангажман на Марко Марин од Вердер Бремен

Се шпекулира дека Интер скоро две години го следи германскиот интернационалец, кој го привлекол вниманието на Масимо Морати.

Па скаутите на Нероаѕурите ќе можат да обрнат посебно внимание на играчот на вечерашниот дуел помеѓу Интер и Вердер Бремен на Џузепе Меаца.

Corriere dello Sport шпекулира дека шампионот на Италија и Европа верува дека 21 годишниот Марко Марин е идна алтернатива на Весли Снајдер на позицијата зад напаѓачите.

Рафаел Бенитез вчера на прес-конференцијата беше запрашан за Марко Марин и стратегот на Интер одговори: “Тој е добар играч, квалитетен фудбалер.”

“Но го имаме Снајдер на неговата позиција и во моментов јас го преферирам Холанѓанецот.”

Тренерот на Вердер Бремен, Томас Шаф исто така проговори за можноста Марко Марин да игра во Серија А.

“Тој има квалитет да игра во Бундеслигата и во националниот тим.”

“Не гледам причина зошто тој да не може да игра во Италија. Ќе видиме што ќе се случи во иднина.”

Powered by: 24 FUDBAL.com.mk