Англија Џермејн Дефо откри дека има желба да остане на Вајт Харт Лејн до крајот на неговата кариера

Дефо, кој во моментов се опоравува од повреда на скочниот зглоб заработена на интернационална должност на почетокот од овој месец, е среќен со животот на Вајт Харт Лејн и не гледа причина зошто да замине.

Анлискиот интернационалец, кој го поминува вториот престој во Тотенхем по една сезона во Портсмут, верува дека неговата иднина е светла и 27 годишнит напаѓач со задоволство би ја заврши кариерата во клубот.

“Се околу клубот ви кажува дека тие одат во права насока и јас сакам да останам дел од тоа.” – рече Дефо за Daily Mirror.

“Од прв до последен имаме квалитетни фудбалери, интернационалци, кој можат да направат разлика на топ ниво.”

“Исто така имаме менаџер во Хери Реднап кој покажа дека е на исто ниво со најдобрите менаџери во фудбалот.”

“Треба да сте луд за да не сакате да останете дел од ова. Па да, сакам да останам тука до крајот на мојата кариера бидејќи верувам дека Тотенхем ќе продолжи да се етаблира себеси во топ четворката под водство на Хери.”

Дефо треба да паузира до декември и напаѓачот вели дека не сака да избрзува со враќањето на терените.

“Не сакам да ги избрзувам работите бидејќи клубот имаше доста повреди па не им треба јас да ја обновам повреда поради предвремено враќање на терените.”

“Но со нетрпение чекам да се вратам и да му помогнам на Тотенхем и Англија во остварување на целите во вториот дел од сезоната.”

Powered by: 24 FUDBAL.com.mk