Лига на Шампиони Лионел Меси иако не доби зелено светло од лекарскиот тим на Барселона, заедно со Ерик Абидал е дел од составот на Пеп Гвардиола за дуелот со Рубин

Каталонците во 13:00 часот заминаа од Ел Прат аеродромот за Казан каде што во среда ќе ги одмерат силите со екипата на Рубин во второто коло од Лигата на Шампионите.
Откако утрово Лионел Меси тренираше нормално со преостанатиот дел на тимот, аргентинскиот интернационалец доби повик од тренерот Пеп Гвардиола за натпреварот со актуелниот шампион на Русија.

Пеп Гвардиола се реши на еден ваков чекор и покрај тоа што лекарскиот тим на Каталонците не даде зелено светло за настап на Меси по повредата на скочниот зглоб заработена пред десетина дена.

За дуелот во Казан повик доби и Ерик Абидал додека пак Адриано ќе го пропушти патувањето.

Целиот список на Барселона за патувањето во Русија: Валдес, Пинто, Алвес, Пике, Пујол, Милито, Максвел, Абидал, Бускетс, Маскерано, Кеита, Чави, Ињеста, Тиаго, Педро, Џефрен, Бојан, Виља и Меси.

Списокот на Пеп Гвардиола има 19 фудбалери па едно име ќе биде изоставено непосредно пред натпреварот.

Powered by: 24 FUDBAL.com.mk