Англија Жерард Улие е оптимист дека Ешли Јанг наскоро ќе стави потпис на новиот договор со Астон Вила

Самиот Улие конечно вчера стави потпис на тригодишен договор со Астон Вила откако се сложи да биде наследник на Мартин О’Нил пред неколку дена.
Сега стратегот го насочува своето внимание кон Ешли Јанг, за кого има предвидено нова улога зад напаѓачите а не по крилната позиција.

Ешли Јанг има уште две години од договорот со Астон Вила но Французинот е убеден дека играчот, кој е на мета на неколку клубови, ќе ја потврди својата верност кон клубот.

“Дали се надевам дека Ешли ќе стави потпис на нов договор? ДА. Преговорите се одвиваат добро, тие се позитивни.”

Французинот исто така смета дека Ешли Јанг ќе си обезбеди регуларно место во тимот на Англија доколку продолжи да ги покажува перформансите од неодамнешните натпревари.

“Имав разговор со него и му кажав на Ешли дека тој може да биде лидер не само кога е во прашање квалитетот туку и при напорот.”

“Тој може да биде ѕвезда но ѕвезда како тимски играч. Неговиот инпут не треба ад биде само со постигнување погодоци или креирање на погодоци. Се работи за неговата напорна работа и однесувањето кое може да го подобри останатиот дел од од тимот.”

“Како може Ешли да стане регуларен играч за Англија? Доколку продолжи со перформансите од дуелите со Болтон и Блекбурн.”

“Да стигнете на следното ниво потребно е да прикажете високи перформанси на осум до девет натпревар од десет можни.”

Powered by: 24 FUDBAL.com.mk