Шпанија Карим Бензема демантира дека има проблеми со Жозе Мурињо, напротив фудбалерот е задоволен од Португалецот од кој вели дека добива голема поддршка.
Бензема го нема статусот на првотимец во Реал Мадрид, Жозе Мурињо неколку пати го изрази незадоволството од залагањето на францускиот фудбалер.
Сепак, напаѓачот вели дека добива голема поддршка од Мурињо на тренинзите и е уверен дека ќе успее да се наметне.
"Ние зборуваме многу. Навистина немам проблеми со него" - изјави Бензема за L'Equipe.
"Знам дека му се допаѓам како фудбалер и има добро мислење за мене".
"За време на тренинзите, секогаш ми дише во врат со цел да го дадам најдоброто од мене".
"Тој има големи побарувања и тоа е добар знак за мене. Тоа значи дека ме цени".
"Се чувствувам добро и физички и ментално. Уверен сум дека моето време допрва доаѓа".
"Од мене зависи, треба да се покажам секогаш кога ќе добијам шанса, дури тоа да е и само неколку минути".
Бензема беше стрелец на третиот гол во дуелот со Еспањол кој Реал Мадрид го доби со 3-0.
Powered by: 24 FUDBAL.com.mk
