Италија Словачкиот интернационалец, Марек Хамшик го продолжи договорот со Наполи до 2015 година.

Марек Хамшик си го одржа ветувањето дадено на претседателот Аурелио Де Лаурентис и го продолжи договорот со Наполи и покрај интерес од поголеми клубови.

"Многу сум среќен што го обновив договорот. Од секогаш сум велел дека сум многу среќен во Наполи" - вели Марек Хамишик.

"Неапол е градот кој го сакам и каде што се чувствувам како дома".

"Имам големо чувство за клубот. Тука има голем проект и сите сме фокусирани на нашите цели".

Де Лаурентис исто така не го криеше задоволството што успеа да задржи уште една од своите ѕвезди.

"Среќен сум што Марек сака да го носи синиот дрес. Неговото продолжување на договорот е знак дека Наполи сака да напредува заедно, сите да стигнеме до целите кои нашите фанови ги заслужуваат" - изјави Де Лаурентис.

Powered by: 24 FUDBAL.com.mk