Англија Агентот на Кавани вели дека неговиот клиент нема добиено понуда од Ливерпул.

Уругвајскиот интернационалец импресионираше на Светското првенство по што интересот за неговите услуги се зголеми.

Кавани од Палермо направи трансфер во Наполи, а во италијанските медиуми се пишува дека Ливерпул во јануари сака да испрати понуда од 20 милиони евра.

"Понуда од Ливерпул за Кавани вредна 20 милиони евра? Тоа е само фантазија, тој нема добиено понуди" - вели неговиот агент Клаудио Анелучи за tuttomercatoweb.

"Едисон одлично се прилагоди во Неапол, тој е фудбалер на Наполи".

"Поминаа само три кола од шампионатот, и рано е да се дискутира за трансфер пазарот".

"Кавани е играч на Наполи, и доколку дојде некоја понуда таа треба да оди на адреса на клубот, па потоа тие да донесат одлука".

Во октомври Наполи и Ливерпул играат меѓусебен натпревар во рамките од Лига Европа.

Powered by: 24 FUDBAL.com.mk